Kondishonnan General PDF file

Masha danki pa bo interes den nos produkto. Pa tur kompra den nos pakus e kondishonnan aki ta konta. Bo por lesa e kondishonnan aki riba nos website (www.BonDiGro.com), nan ta disponibel den nos pakus i tambe a registrá nan na Korte den Promé Instansia di Boneiru. Si ta nesesario lo adaptá e kondishonnan. Pa abo ta konta e vershon ku ta korespondé ku e fecha di kompra di bo produkto.

E preis vigente ta poné riba e karchi di preis. Esaki bo ta haña òf huntu ku e produkto òf riba nos website. Por sosodé ku e preis menshoná ta inkorekto. Si esei ta e kaso BonDiGro por disidí pa ainda kobra bo e preis korekto, por ehèmpel si e preis ta desproporshonal abou i e no ta un promoshon.

Nos preisnan ta eksklusivo gastunan di transporte i/òf entrega. Pa esakinan ta traha areglonan apart.

Na BonDiGro bo por paga ku sèn kèsh, karchi débito, karchi krédito i nos propio Tarheta Bónus. Klientenan ku nogoshi ku ta registrá serka nos por tuma riba kuenta tambe.

Ta anunsiá promoshon- i ofertanan den pakus i/òf via nos website òf página di facebook “BonDiGro Supermarket”. Riba e aktividatnan promoshonal aki tin kondishonnan spesífiko di promoshon aplikabel, bou di kua e echo ku no por kambia e produktonan aki òf ku ta un kantidat limitá por kumpra.

Na BonDiGro bo ta kumpra e produktonan “Inventum” i “Tomado” kontra un preis ku ta 5% mas abou ku serka nos otro kontrinkantenan na Boneiru. Asina nos ta obligá nos mes pa sigui e kontrinkante fuerte i pèrkurá ku nos ta esun mas bentahoso. Si mester sosodé tòg ku nos kontrinkante ta ofresé e produktonan aki kontra un preis mas abou, nos lo adaptá nos
preisnan atrobe.

Pa e garantia di preis mas abou ta konta si e siguiente kondishonnan:

• E kontrinkante mester ta inskribí na Kamara di Komèrsio na Boneiru.
• E garantia di preis mas abou ta bálido dentro di 1 luna despues di kompra.
• Mester por kontrolá e diferensia di preis mediante un preis publiká / lista di preis aktual.
• BonDiGro ta realisá e kontrol aki.
• E kontrinkante mester ofresé eksaktamente e mesun artíkulo.
• Proveedó di internèt ta ekskluí.
• Ofertanan (temporal) spesial, barationan di bankrut i/òf benta por mayor, etc. ta ekskluí di e garantia di preis mas abou.

Rekohé produktonan ku a bestèl via Falki Express – Si ta trata di un produkto ku a entregá via Falki Express, ta konta ku for di e momento ku nos a manda un mensahe ku e produktonan ta kla pa rekohé, ku bo mester buska esakinan dentro di un siman, sino nos ta obligá pa fakturá bo e montante mínimo di US $50,= pa siman pa hür pa meter kúbiko for di e di dos siman.

Entrega di produkto / produktonan ku un volúmen grandi – Pa entrega di un produkto / produktonan ku un volúmen grandi, partidonan mester traha un palabrashon apart. Pa esaki ta konta entre otro e siguiente kondishonnan:

• Partidonan mester (manera a entregá e produktonan serka nos) traha un palabrashon por eskrito pa esaki dentro di un siman, kaminda ta menshoná e adrès pa entregá i e orario deseá.
• Lo fakturá un hür di US$ 50,= for di e momento ku e produktonan ta keda pará den nos depósito mas ku un siman.
• Lo no hasi entreganan na kamindanan di tera (off road).
• Lo fakturá US$ 50,= (pa Rincon US$ 60,=) pa kareda. Si na e momento ku a palabrá niun hende ta presente na e adrès, nos ta bai bèk ku e produktonan, pero bo ta obligá pa paga US$ 50,= si.
• Ta entregá e produktonan na momento numa ku a paga e gastunan di entrega.
• Nos ta hiba e produktonan te na e drempi di e promé porta riba e promé piso, kaminda ta hasi un inspekshon, kaminda bo tin ku firma ku a risibí e produktonan den bon estado. For di e momento ei e produktonan no ta kai mas bou di nos garantia i bo mes ta responsabel pa sigui trasladá e produktonan ribia propio rísiko.

Por trese un produkto bèk serka nos servisio pa kliente. Nos empleadonan ta kontrolá si e produkto ta bon i si e ta kumpli ku nos kondishonnan di debolbé, nos ta paga bo e montante pa kua bo a kumpr’é bèk. E término pa debolbé ta 1 siman despues di e kompra i mester bini ku e bòn. Bo mester debolbé un produkto mas tantu posibel den e empake original.

No ta tuma produktonan bèk, a ménos ku tin indikashon di un daño na e produkto. E siguiente produktonan no por debolbé tampoko:

• Tur produkto di HEMA.
• Produktonan di Falki Express ku a inspekshoná kaba.
• Produktonan “seyá” ku pa motibu di protekshon di salú no ta apto pa tuma bèk, manera skeiru di djente, aparato pa feita, i paresido.
• Ofertanan spesial.
• Aparatonan elektróniko usá.

Si un produkto no ta kumpli kompletamente ku nos kondishonnan di debolbé, nos lo wak kiko nos por nifiká ainda pa bo.

Si bo ke tin derechi riba garantia, bo mester notifiká esei na servisio pa kliente mustrando bo bòn di kompra.

Riba aparatonan elektróniko e siguiente kondishonnan ta vigente.

Término di garantia ora presentá e bòn di kaha di Bonaire Discount Grocery B.V. a.b.d.n

BonDiGro:

1. Riba produktonan elektrodoméstiko nobo (220 volt) tin 1 aña di garantia.
2. Reparashon òf remplaso di un produkto no ta kondusí nunka na prolongashon di e término di garantia. E promé fecha di kompra ta keda desisivo.
3. Bou di e garantia aki ta kai suèldu i e reparashon òf remplaso di piesanan defekto, basta si e trabou ta hasí pa mekánikonan di BonDoGro.
4. Nos no por duna garantia riba aparatonan 110V. (E ret di koriente na Boneiru ta traha ku 50 hz. Aparatonan di 110V di Merka ta traha riba 60hz).

Paga tinu: Garantia di fábrika e konsumidó mes mester regla ku e fabrikante.

Den e kasonan ku ta sigui no tin derecho riba garantia:

1. Raská, barst òf doblá den e ‘mantel’ , e tapa òf den e asesorionan di e aparato, ku ta mèldu 12 ora despues di entrega/rekohé.
2. Defekto na glas, material sintétiko òf piesanan di rùber, ku ta mèldu 12 ora despues di entrega / rekohé.
3. Si a eksponé e aparato na aire liber.
4. Daño okashoná pa welek, inundashon, pusha òf kai.
5. Defektonan debí na un posishon robes òf konekshon.
6. Defektonan debí na e instalashon eléktriko den e bibienda.
7. E usuario ta hasi uso robes i – si ta aplikabel – mantenshon insufisiente òf inkorekto òf defektonan ku ta bini di un instalashon i/òf posishon robes.
8. Interupshonnan no tékniko, manera por ehèmpel eliminá e asina yamá artefakto straño pa aparato – òf solushoná interupshonan ku artefakto straño pa aparato a kousá.
9. Karakterístikanan eksterior no ta kai bou di e garantia.
10. Lampinan di frishidèr, frizer, fòrnu, sekadó i stof.
11. Garantia ta kaduká si pone kusinchi i dekel furá den un mashin di laba paña di moda ku ta surgi daño.
12. Uzo impropio.

E garantia ta kaduká si:

1. Personanan no outorisá ta drecha òf renobá e aparatonan.
2. Personanan no outorisá habri e aparato.
3. E promé usuario no kumpli ku su eventual obligashonnan finansiero n.a.d. BonDiGro.
4. No ta kumpli ku palabrashonnan n.a.d. BonDiGro.

Apelashon no hustifiká riba garantia

Si un usuario ke hasi apelashon riba garantia, e usuario lo mester paga US$ 40,= adelantá pa hasi e investigashon. Si e keho ta kondusí na un apelashon hustifiká e ta haña e US$ 40,= aki bèk.

Nos ke drecha nos dunamentu di servisio ku muchu gustu i p’esei ta pidi bo pa tuma kontakto ku nos pa kompartí bo eksperensia ku nos na nos bali di servisio na kliente, pa asina huntu nos por buska un solushon apropiá.

Registrá bo mes rápido i simpel! Pidi un Tarheta di Bónus na nos balie di servicio pa kliente riba e segundo piso òf via e BonDiGro App i risibí 1% na loyalty dollars riba kada kompra ku wordu pagá direktamente na kaha!

Ora bo registrá i partisipá den e programa di sparmentu aki, bo ta bai di akuerdo ku e siguiente kondishonnan.

Kondishonnan:

• Bo por usa e saldo riba bo Tarheta di Bónus pa paga bo kompra nan na BonDiGro.
• E petishon pa un Tarheta di Bónus físiko ta kosta tres dòler, ku lo wordu depositá mesora riba bo Tarheta di Bónus. E petishon pa un Tarheta di Bónus digital via e BonDiGro App ta gratis.
• Por spar loyalty dollars solamente ora bo mustra bo Tarheta di Bónus / kódigo QR di BonDiGro na kaha promé ku pago.
• Bo por kontrolá bo saldo na tur momento via bo app òf pidi e informashon na nos balie di servicio pa kliente riba e segundo piso, presentando identifikashon.
• E tarheta ta konektá na un persona òf kompania. Por duna diferente tarheta riba un mesun nòmber. Pa por partisipá den e programa di sparmentu aki, bo mester tin 16 aña òf mas.
• Ora bo paga bo kompra nan ku loyalty dollars, por pidi bo identifikashon.
• No lo tin devolushon di plaka cash pa produktonan ku a wordu kumpra ku e Tarheta di Bónus, maske un parti di e kompra a wordu pagá ku plaka cash.
• E programa di sparmentu aki no ta válido pa kompanianan ku por kumpra riba kuenta.
• No por pidi loyalty dollars ku efekto retroaktivo.
• Loyalty dollars no por wordu usá pa pagonan relashoná ku Falki Express.
• E kliente mes ta responsabel pa tene su datonan di kontakto aktualisá.
• Den kaso di hurto di bo tarheta, nos ta pidi bo pa reportá esaki mas pronto posibel na nos balie di servicio pa kliente, pa nos por blokia bo kuenta.
• No ta posibel pa transferí saldo pa un otro kuenta.
• BonDiGro ta respetá bo privasidat i nos ta sigurá ku e informashon personal ku bo duna nos ta wordu tratá di akuerdo ku e legislashon di privasidat aplikabel.
• BonDiGro ta reservá e derecho na tur momento pa terminá e programa di sparmentu aki unilateralmente òf kambi’é na desbentaha di e kliente, segun su propio desishon, bou di e kondishon ku klientenan ta wordu informá pa e-mail por lo ménos 3 luna promé, sin ku BonDiGro ta obligá na paga kompensashon.
• E kliente por terminá su kuenta na tur momento. Despues di terminashon di partisipashon, tur loyalty dollars disponibel lo kaduká.
• Si tin sospecha di aktonan ilegal òf abuso, BonDiGro ta reservá e derecho kompleto pa blokia bo kuenta i pa eksigí bèk kualke descuento ku a wordu duna inkorektamente mediante un faktura.
• BonDiGro — ménos ku tin intenshon òf imprudensia deliberá — no ta responsabel pa kualke daño, direkto òf indirekto, sufrí dor di òf den konekshon ku partisipashon den e programa di sparmentu aki.

1. Introdukshon

E maneho di privasidat aki ta splika kon Bonaire Discount Grocery B.V. ta trata datonan personal di kliente- i otro personanan enbolbí. Nos ta respetá bo privasidat i ta trata e datonan ku nos ta risibí di bo ku koutela.

2. Kua dato nos ta pidi?

Nos por pidi e siguiente tipo di datonan personal:

• Datonan di kontakto: Nòmber, adrès, adrès di e-mail, number di telefon.
• Informashon di pago serka suministradó- i partidonan ku por kumpra riba krédito: Number di kuenta di banko, informashon di karchi di krédito.
• Programa di lealtat: Number di kliente, historia di kompra, preferensianan.
• Datonan personal di empleadonan (si ta aplikabel).

3. Pakiko nos ta pidi e datonan aki?

Nos ta pidi datonan personal pa e siguiente metanan:

• Pa prosesá i entregá pedidanan.
• Pa atministrá bo kompranan dentro di nos programa di lealtat.
• Pa mehorá nos dunamentu di servisio na kliente.
• Obligashonnan legal, manera eksigensianan fiskal òf atministrashon di personal.

4. Kon largu nos ta warda bo datonan?

Nos ta warda datonan personal no mas largu ku ta nesesario pa e metanan ku nos a buska nan p’e, a ménos ku lei ta obligá nos pa warda datonan mas largu.

5. Ku ken nos ta kompartí bo datonan?

Nos ta kompartí datonan personal solamente ku:

• Suministradó- i personanan ku ta duna servisio ku ta yuda na momento di ehekutá nos servisio na kliente.
• Partidonan eksterno si nos ta obligá legalmente pa suministrá dato.
• Bou di ningun sirkumstansia nos ta duna bo datonan personal na terser persona.

6. Kon nos ta protehá bo datonan?

Nos ta tuma medidanan organisatorio apropiá pa protehá bo datonan personal kontra pèrdida òf prosesamentu ilegal. Esaki ta enserá entre otro:

• Limitá akseso na datonan finansiero òf personal na empleadonan outorisá.
• Usa website sigurá.

7. Bo derechonan

Bo tin derecho pa:

• Solisitá akseso na bo datonan personal.
• Pidi korekshon òf eliminashon di bo datonan.
• Oponé kontra uso di bo datonan pa merkadeo dirèkt.
• Hala bo pèrmit aden si prosesamentu di datonan ta sosodé riba base di pèrmit.

8. Kontakto

Pa pregunta òf keho tokante nos maneho di privasidat bo por tuma kontakto ku nos via customerservice@bondigro.com.

9. Kambionan den e maneho aki

Nos por adaptá e maneho di privasidat aki tempu tempu. Ta publiká eventual kambionan riba nos website.